କାଳ ହେଲା ଅନ୍ ଲାଇନ ଭିଡ଼ିଓ ଗେମ; ଟଙ୍କା ଗଲା ଜୀବନ ଗଲା

କେନ୍ଦ୍ରାପଡ଼ାର ଆଶିଷଙ୍କ ବାପା ହାଇଦ୍ରାବାଦରେ କାମକରନ୍ତି । ଘର ଖର୍ଚ୍ଚ ପାଇଁ ସେ ପ୍ରତିମାସରେ ପୁଅ ଆକାଉଣ୍ଟକୁ ଟଙ୍କା ପଠାନ୍ତି । ଆଉ ସେଥିରୁ ୧୦ହଜାର ଟଙ୍କାକୁ ଅନଲାଇନ୍ ଗେମରେ ଲଗାଇ ଦେଇଥିଲେ ଆଶିଷ । କିନ୍ତୁ ଆଶିଷ ଟଙ୍କା ହାରିଗଲା ପରେ ଭୟଭୀତ ହୋଇ ଜୀବନ ହାରିଦେଲେ ।

କେନ୍ଦ୍ରାପଡ଼ା ଆଳି ଥାନା ଅନ୍ତର୍ଗତ ମାନପୁର ଗାଁ’ର ଆଶିଷ ଜଣେ ବିଏସସି ଛାତ୍ର । ହାଇଦ୍ରାବାଦରେ ରହୁଥିବା ତାଙ୍କ ବାପା ପ୍ରତିମାସରେ ପରିବାର ପ୍ରତିପୋଷଣ ପାଇଁ ଟଙ୍କା ପଠାନ୍ତି । କିନ୍ତୁ ଆଶିଷ ସେସବୁ ଟଙ୍କା ଫ୍ରି-ଫାୟାର ଅନଲାଇନ୍ ଗେମରେ ଲଗାଇ ଦେଇଥିଲେ । ଆଉ ଟଙ୍କା ହାରିବା ପରେ ଭୟଭୀତ ହୋଇ ପଡ଼ିଥିଲେ । ଅଭିଯୋଗ ଅନୁସାରେ, ସୋମବାର ସନ୍ଧ୍ୟାରେ ଘରେ କେହିନଥିବା ବେଳେ ଆଶିଷ ନିଜ ବେକରେ ରଶି ଲଗାଇ ଆତ୍ମହତ୍ୟା ଭଳି ଚରମ ପଦକ୍ଷେପ ଉଠାଇଥିଲେ । ମୃତ୍ୟୁ ପରେ ତାଙ୍କ ପାଖରୁ ଏକ ସୁଇସାଇଡ ନୋଟ୍ ଜବତ ହୋଇଛି ।

Share this…
Share on Facebook

Facebook