ପୁରୀ ବଡ଼ଦାଣ୍ଡ ସ୍ଥିତ ନିଳାଦ୍ରୀ ଭକ୍ତ ନିବାସ ଠାରେ ଦଇତାପତି ନିଯୋଗର ଆଜି ପ୍ରଶିକ୍ଷଣ ଶିବିର

ପୁରୀ ବଡ଼ଦାଣ୍ଡ ସ୍ଥିତ ନିଳାଦ୍ରୀ ଭକ୍ତ ନିବାସ ଠାରେ ଦଇତାପତି ନିଯୋଗର ଆଜି ପ୍ରଶିକ୍ଷଣ ଶିବିର ସହ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଛି। ମୁଖ୍ୟ ଅତିଥି ଭାବେ ପୁରୀ ଜିଲ୍ଲାପାଳ ସମର୍ଥ ବର୍ମା, ଶ୍ରୀମନ୍ଦିର ନୀତି ପ୍ରଶାସକ ଜିତେନ୍ଦ୍ର କୁମାର ସାହୁ ଏହି ଉତ୍ସବରେ ଯୋଗ ଦେଇଥିଲେ। ଏଥିସହ ବରିଷ୍ଠ ଦଇତାପତି କାଶିନାଥ ଦାସ ମହାପାତ୍ର, ହରିହର ଦାସ ମହାପାତ୍ର, ଜଗନ୍ନାଥ ଦାସ ମହାପାତ୍ର, ଗଙ୍ଗାଧର ଦାସ ମହାପାତ୍ର, ଦ୍ବାରିକା ଦାସ ମହାପାତ୍ର ଓ ହଳଧର ଦାସ ମହାପାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେହିପରି
ସ୍ବର୍ଗତ ପ୍ରେମାନନ୍ଦ ଦାସ ମହାପାତ୍ର ଓ ସ୍ବର୍ଗତ ବାଉରୀବନ୍ଧୁ ଦାସ ମହାପାତ୍ରଙ୍କ ଉଦ୍ଦେଶ୍ୟରେ ତାଙ୍କ ପୁତ୍ରଙ୍କୁ ସମ୍ବର୍ଦ୍ଧନା କରାଯାଇଥିଲା। ଆଗକୁ ପବିତ୍ର ସ୍ନାନଯାତ୍ରା ଓ ବିଶ୍ବପ୍ରସିଦ୍ଧ ଘୋଷଯାତ୍ରା ଆସୁଥିବାରୁ ମହାପ୍ରଭୁଙ୍କ ନୀତି କାନ୍ତି ଓ ସେବା ପୂଜା କିଭଳି ସୁରୁଖୁରୁରେ କରାଯିବ ଓ ଭକ୍ତ ମାନଙ୍କୁ ଉତ୍ତମ ବ୍ୟବହାର କରାଯିବ ସେନେଇ ବରିଷ୍ଠ ମାନେ ଯୁବ ଦଇତାପତିମାନଙ୍କୁ ପ୍ରଶିକ୍ଷଣ ଦେଇଥିଲେ। ଦେଶର ବିଭିନ୍ନ ମନ୍ଦିର ଅପେକ୍ଷା ପୁରୀ ଶ୍ରୀଜଗନ୍ନାଥ ମନ୍ଦିର ନୀତି କାନ୍ତି ଓ ସେବା ପୂଜା ସମ୍ପୁର୍ଣ୍ଣ ନିଆରା ହୋଇଥିବାରୁ ଯୁବ ଦଇତାପତି ମାନେ ମହାପ୍ରଭୁଙ୍କ କାର୍ଯ୍ୟ କିଭଳି ଉତ୍ସର୍ଗୀକୃତ ଭାବେ କରିବେ ସେନେଇ ମଧ୍ୟ ବରିଷ୍ଠ ଦଇତାପତି ମାନେ ପ୍ରଶିକ୍ଷଣ ଦେଇଥିଲେ। ଚଳିତ ବର୍ଷ ଭକ୍ତଙ୍କ ଗହଣରେ ସ୍ନାନ ଯାତ୍ରା ଓ ବିଶ୍ବ ପ୍ରସିଦ୍ଧ ରଥଯାତ୍ରା ଅନୁଷ୍ଠିତ ହେବାକୁ ଥିବାରୁ ଦଇତାପତି ନିଯୋଗର ସହାୟତା ଲୋଡିଛନ୍ତି ଜିଲ୍ଲାପାଳ। ସେପଟେ ମହାପ୍ରଭୁଙ୍କ ସମସ୍ତ କାର୍ଯ୍ୟ ସୁରୁଖୁରୁରେ ସମ୍ପାଦନ ହେବ ବୋଲି କହିଛନ୍ତି ଦଇତାପତି ନିଯୋଗର ସମ୍ପାଦକ।

Share this…
Share on Facebook

Facebook